Washington 11. October 2017 (SDN/QJ):- Safaaradda Turkiga ee magaalada Washington ayaa waxay sheegtay inay u baahan-tahay in ay dib u qiimayn ku sameyso sida ay dawladda Maraykanka uga go’an tahay ammaanka shaqaalaha Qunsuliyadda Turkiga iyo hawlahooda.
Arrintan ayaa ku soo beegantay iyadoo la qabtay qof ka shaqaynayay qunsuliyadda Maraykanka ee magaalada Istanbul, kaasoo lagu tuhunsan yahay inuu xidhiidh la lahaa wadaadka lagu eedeeyay inuu ka danbeeyey afgambigii dhicisoobay ee Turkiga ka dhacay sannadkii la soo dhaafay ee Fatxulaah Gulen.
