LondonL:13_Sep-2013(SDN)-Wadatashi iyo Naaqishaad dheer oo ay ay ka yeesheen Xubnaha Guddiga Xisbiga Waddani Laantiisa UK oo uu horkacayo Gudoomiye Ahmed Ali Nahi ayaa loo arkay muhiim in talo laga geysto sidii loo furdaamin lahaa arrinta Diyaaradda Ethiopian Airline oo muran xooggani ka taagan yahay.
Xisbiga Waddani laantiisa UK markii ay arrintaas Rog-rogeen, waxa ay soo saareen war-saxaafadeedkan, “Arimaha ka taagan garoonka Hargeysa waa arin aan u cuntamayn shacabka S/land waana nasiib- xumo in Xukuumadu jawaab cad ka bixin weydo fadeexadan hadhaysay dhismaha Airport-ka Caasimada Waddanka ee Hargeysa, mana aqbalayno in Wasaaradii jawaabta arintan khaaska u lahayd ee looga fadhiyayi Guryaha isku soo xidhaan”.
hadaladani waa qayb ka mid shirkan jaraa’id ee Afhayeenka Xisbiga Waddani Laantiisa UK Mudane Qasim Aadan Saleebaan ku qabtay Xafiiskiisa magaalada London.
Afhayeenka ayaa ka dhawaajiyey werwerka ay ka qabaan dadkan mudada ku xanibnaa Airport-ka ee qaarkood ay hada u suurto gashay inay soo ambabaxaan iyagoo weli ku xaniban Airporarada Ethiopia. iyo isagoo ugu baaqay in xukuumadu gudi iskudhaf ah u saarto arintan. isagoo dhinaca kalena baaq u diray dadka ku xaniban Airporaradaas.
Xisbiga Waddani Laantiisa UK waxay ka codsanaysaa in dadkii reer UK ee arintani saamaynta ku yeelatayi nala soo xidhiidhaan marka ay soo guryo noqdaan si xuquuqdooda loola baadi doon.
Somalidiasporanews.com
Contact@somalidiasporanews.com
Afhayeenka Xisbiga Waddani Laantiisa UK
Mudane Qasim A Saleebaan
kasslmn@aol.com
London
