Madaxda Al Shabaab oo is haya iyo dagaal dhexdooda ah oo jubooyinka ka dhacay

Muqdisho October 08, 2023 (QJ) -Wasaaradda Gaashaandhigga Soomaaliya ayaa sheegtay in ciidamo taageersan madaxda ugu sareysa Al-Shabaab sida Mahad Karatee iyo Axmed Diiriye ay ku dagaalameen degmooyinka Jilib & Hargeysa-Yarey ee gobolka Jubbada Dhexe.

Warka ka soo baxay Wasaaradda oo la soo dhigay Boggeeda Twitter-ka ayaa lagu sheegay in khasaare xooggan lagu gaarsiiyay Maleeshiyaadkii ka soo horjeeday intii uu socday dagaalka.

Wasaaradda Warfaafinta ayaa sheegtay in khilaafkan uu ka dhashay is afgaranwaa ka dhex dhashay kooxda, iyadoo Mahad Karatee uu udub dhexaad u yahay khilaafka.

Si kastaba ha ahaatee, Horjoogayaasha Al-shabaab ayaa la sheegay inay ku kala aragti duwan yihiin, gaar ahaan dhinaca dhaqaalaha, sida uu qoray Wargeyska Daily Nation ee ka soo baxa magaalladda Nairobi oo soo xiganaya Warbixino sirdoon.

Horjoogaha Al-Shabaab Axmed Diiriye Abuu Cubeyda ayaa la sheegay in uu xilka ka qaaday Mahad Karatee Madaxii dhaqaalaha iyo dhaqaalaha kooxda, isaga iyo madaxda howl galka dibadda oo uu ka mid yahay Bashiir Qoorgaab, kadib markii ay isku khilaafeen maamulka dhaqaalaha iyo ciidamada.

Bashiir Qoorgaab, oo ay Dowladda Mareykanka horay ugu sheegtay in uu ahaa shaqsigii ugu muhiimsanaa weerarkii lagu qaaday saldhigga Manda Bay ee dalka Kenya, ayaa sanadkan lagu dilay duqeyn ay fuliyeen ciidamada Mareykanka.

Warar ay heshay Daily Nation ayaa sheegaya in xogo cusub oo sirdoonku helay ay muujinayaan in geerida Qoorgaab laga yaabo inay la xiriirto khilaafyo gudaha ah iyo khilaaf awoodeed oo kooxda ka dhex jira.