Madaxweyne Faroole oo ku eedeeyay dilkii shalay ka dhacay Garoowe Al Shabaab

Madaxweynaha maamulka Puntland ayaa sheegay in dilka Sheekha ay ka dambeeyeen Ururka Al-Shabaab sida uu sheegay oo deeganada maamulka Puntland muddooyinkaan dambe dadka ku laynaya.Wuxuu sheegay in dilka Sheekh C/raxmaan ay ka dambeysay sida uu sheegay Faroole mowqifka uu ka istaagay argagaxisada iyo fekerka ay qabaan Ururka Al-Shabaab.Madaxweynaha maamulka Puntland ayaa sidoo kale wuxuu sheegay in ciidamada ammaanka ee Puntland ay gacanta ku dhigeen ruuxii ka dambeeyay dilka Sheekha.

Faroole ayaa sheegay in ruuxa ay gacanta ku hayaan oo ay ciidanka qabteen in lagu magacaabo C/raxmaan Xuseen Jaamac Bile oo iminka Puntland u xiran.

Dilalka loo geesto dadka waxgalka u ah Bulshada ayuu sheegay inuusan Sheekh C/qaadir Nuur Faarax Gacameey ugu horeynin balse Shabaab ay horay udileen dad isugu jira waxgarad iyo sidoo kale culimo caan ka ah deeganada maamulka Puntland.

Ilaa iyo iminka majirto wax war ah oo kasoo baxay Ururka Al-Shabaab oo ku aadan eedeenta loo jeediyay ee ah inay ka dambeeyeen dilka loo geestay Sheekh C/qaadir Nuur Faarax Gacameey.