Boorama 05.May (SDN). Gudoomiyaha Gobolka Awdal Cabdoo Axmed Aayir ayaa maanta Xogwaran ka dhagaystay Guddiga abaaraha iyo tabarucaadka gobolka Awdal oo Ka Waramay degaamadii la gaadhsiiyey deeqdii raashinka ahayd ee dalka turkiga u fidiyay dadka danyarta ah ee Somaliland .
Gudoomiyaha Guddiga abaaraha iyo Tabarucaadka Gobolka Awdal,sh.Maxamed Daahir dhawal,ayaa sheegay in 700-tan oo raashin ah ay gaadhsiiyeen degaamada, Baki,Boorama,Lug-haya iyo Saylac,Waxaanu intaas ku daray inay Hawshaasi ugu soo dhamaatay Si habsami leh isla markaana ay Gaadhsiiyeen Gacanta dadkii dan-yarta ahaa ee raashinkaa loogu talo galay.
Maayirka magaalada Boorame, Mud,Saleebaan xasan Xaddi iyo Isuduwaha wasaarada dib-u-dejinta Gobolka Awdakl,oo ka mid ah Guddigaa ayaa iyana sheegay,in Raashinkaa deeqda ah in la gaadhsiiyey dadkii dan-yarta ahaa si cadaalad ahna loogu qaybiyey.
Gudoomiyaha Gobolka Awdal Cabdoo Axmed Aayir ayaa Guddiga uga mahad-naqay sida wanaagsan ee ay u guteen waajibaadkii ka saaraa sidii dadka dan yarta ah loo gaadhsiin lahaa Raashinkaa deeqda ah.
Boorama SDN.
Qurbejoog.com
