AMISOM oo soo dhaweysay Ciidamada Cusub ee Siera Leone ka socda ee ku soo biiray

Maxamed Saalax Annadif ayaa arintaan wuxuu kaga mahadceliyay Madaxda dowlada Siraliyoon,isagoona sheegay in ku biiritaanka howlgalka AMISOM ciidamada Siraliyoon ay ka qeyb ka tahay siiwaditaanka dagaalada lagula jiro Al-shabaab.Wuxuu hoosta ka xariiqay Anadif in dowlada Siraliyoon ciidamadooda ay ku noqonayaan wadankii shanaad ee ciidamada u soo dira Soomaaliya.

“Bixinta ciidamada ay sameysay dowlada Siraliyoon,waxay ka dhigan tahay,iyadoo ka damqaneysa dhibaatada shacabka Soomaaliyeed ay ku sugan yihiin”ayuu yiri Anadif.

Hadalka Ergayga gaarka ah ee Midowga Africa ayaa imaanaya xilli maalintii shalay aheyd ciidamo ka scoda Siraliyoon ay soo gaareen Magaalada Muqdisho,kuwaasi oo u jeedkooda yahay inay ku biiraan howlgalka AMISOM.

Iyagoo la geyn doono sida horay loo sheegay deegaanada Jubooyinka si amaanka ay u sugaan.

Go’aankaan ciidamada Siraliyoon lagu keenay Soomaaliya ayaa waxaa go’aamiyay Qaramada Midoobay,iyadoo u jeedka uu yahay sidii loo taageeri lahaa ciidamada Amisom iyo kuwa dowlada oo dagaalo ay kala soo horjeedaan Al-shabaab.