“Doorashooyinka Somaliland ka dhacay way ka Fiicanyiin Xataa Kuwa Reer Galbeedka Qaar..” Soomaaliya DAAWO

Muqdisho 14 November  2017 (SDN/QJ):-Shirkii Wasiiradda Soomaaliya, ayaa boggaadiyay qaabkii ay u qabsoontay doorashooyinka Somaliland ee shalay loo dareeray. Islamarkaanna waxay sheegeen in ka fiican yihiin dhinac dimuquraadiyada dalalka reer galbeedka qaarkood.

Sidaa waxa lagu sheegay kulan ay isugu yimaadeen golaha wasiiradda warbixin ka dhagaystay guddi heer wasiir ah oo daraasad ku soo sameeyey dardargelinta xasilinta dalka.

Warbixinta lagu boggaadiyay Doorashad Somaliland ayaa u dhignayd sidan; “Dood dheer ka dib, Golaha Wasiiradu waxay aad u ammaaneen islamarkaasna ay hambalyo u direen doorashooyinka Somaliland oo si nabad ah u dhacay, kuna tilmaamay doorashooyin si dimoqraadiyad ah u dhacay oo xitaa ka fiican wadamada galbeedka qaarkood. Golaha ayaa sheegay inay habboon tahay in warbixinta rasmiga ah laga sugo guddiga doorashooyinka oo cidii ku guulaysata la soo dhoweeyo lalana shaqeeyo.”