Qaramada Midoobay Oo Cambaaraysay Dilkii Muqdisho Loogu Geystay Xildhibaan Mursan iyo Wariye Camaar

Nairobi:23-April-2014 (SDN)-Wakiilka gaarka ah ee qaramada Midoobay u qaabilsan arrimaha Somalia ayaa  cambaareeyey Dilkii shalay Muqdisho loogu geystay Xildhibaan Cabdicasiis isaaq mursal.

Mudane Kay ayaa sheegay inuu aad uga xumaaday dilka Xildhibaankaasi, isagoona sidoo kale cambaareeyay dilka wariye Maxamed Cumar Maxamed (Camaar)  oo fiidkii isniinta lagu dilay gudaha suuqa bakaaraha ee magaalada Muqdisho.

Wuxuu kaloo sheegay ergeyga gaarka ah in uu aad uga walaacsanahy amaan darrida iyo weerarka ka soo cusboonaaday Muqdisho oo ayaamahan si taxane ah loogu leynayey dadka Ku nool.

Nikolas Kay, ayaa xusay inay xafiiskiisu uu sii wadi doono taageeridda ummadda Soomaaliyeed iyo dowladda, si loo gaadho Degenaansho iyo xasilooni waarta.

Wuxuu dowladda Soomaaliya ugu baaqay inay si deg-deg ah u baadho cidda sida rasmi ah fulineysa weerarrada iyo dilalka ka dhacay Muqdisho, si caddaaladda loo horkeeno.

Inta badan dilalka ka dhacay Magaalada Muqdisho iyo guud ahaan Somalia waxa si weyn u cambaaraysay qaramada midoobay, balse lama arko tallaabo intaas dhaafsiisan oo ay qaadayso.

S.D.N/QJ

timo@qurbejoog.com

Contact@qurbejoog.com