“Waxaan Ballan ku Qaadayaa inaan la Maqal Muuse Biixi oo Somaliland Madaxweyne ka ah, haddii aniga ay igaba adkaadaan Ninka burburin doonaa iyagana waa aniga…” Jamaal Cali Xuseen DAAWO

Hargaysa 30.Sep 2016 (SDN/QJ):- Musharraxa u taagan Jagada Madaxweynaha Xisbiga Mucaaradka ah ee UCID Jamaal Cali Xuseen, ayaa si adag ugu hanjabay Guddoomiyeyaasha Xisbiyada KULMIYE iyo UCID Muuse Biixi iyo Faysal Cali Waraabe oo uu sheegay in haddii ay ku guulaystaan inay Jamaal ahaan ka adkaadaan uu iyagana isagu burburin doono.

Jamaal Cali Xuseen Waraysi uu la yeeshay Weriye Cabdirisaaq-Tera oo ka tirsan Kalsan TV oo xalay la siidaayey, ayuu sidaas ku sheegay Jamaal, waxaanu mar la weydiiyey Musharraxa uu filayo in lagu beddelo maaddaama oo uu Faysal Cali Waraabe sheegay in lagu tartamayo jagada Musharraxixiinta Madaxweynaha iyo Ku-xigeenka UCID, waxa uu sheegay inay waalli tahay in cid kale jagadaas ku fadhiisataa.