Hargaysa 12.June (SDN) Wasiirka wasaarada Caafimaadka Xuseen maxamuud Maxamed-Xuseen Xoog- ayaa ugu baaqay shacabka Somaaliland inay Feejignaan ka qaataan Cudurka dabaysha oo inagu soo dhowaaday lagana helay dalalka aynu Jaarka nahay qaarkood oo ah Somaliya, Yeman.
Wasiirka caafimaadka Mudane Xuseen Xoog, waxa uu sheegay in cudurka dabaysha uu awalba dunida jiray hase ahaatee wuu inaga Fogaa, hase ahaatee haatan waxa cudurkan laga helay dalalka aynu jaarka nahay qaarkood,kuwaasi oo kuwa hadda laga helay kala yihiin ayuu yidhi Wasiirku Somaaliya oo 14 Keys laga helay iyo Yeman oo iyana sided Keys laga helay. Waxa kale oo uu wasiirku sheegay in dalka keniya isna laga helay cudurkaasi.
Wasiirku waxa uu ugu baaqay dhammaan qaybaha kala duwan ee Bulshada inay ka digtoonaadaan cudurkaasui, caruurtana laga talaalo, mar haddii uu cudurkii soo degay oo laga helay dalalka Kanbalka inoo ah.
Waxa wasiirku sidoo kale u soo jeediyey, Ciidamada, maayirada, Badhasaabada Gobolada iyo degmooyinka dalka inay gacan ka gaystaan sidii cudurkaasi looga feejignaan lahaa Howsha talaalka cudurkaasi marka ay bilaabantana ay Gacan ka gaystaan.
Hargaysa SDN.
Qurbejoog.com
