Hargaysa 10.July (SDN) Wasiirka wasaarada warfaafinta md. C/llaahi Maxamed Daaahir ayaa sheegay in lagu soo kordhiyay idaacada Raadyow Hargaysa Idaacad cusub oo ku lamaan taas oo baahin doonta quraanka kariimka iyo axaadiista nabiga NNKH.
Wasiirka oo maanta ka hadlayay xaflada furitaanka Barnaamijka Kasmaal oo Bisha Ramadaan ka baxa telefishanka qarank ayaa sheegay in ay ku soo kordhiyeen idaacada RAdio Hargeisa idaacad fm ah oo baahinaysa quraanka kariimka ah iyo axaadiista nabiga nabadgelyo yo naxariisi korkiisa ha ahaatee.
Wasiirku waxa uu sheegay in idaacadan oo ah idaacada quraanka kariimka ah oo ku lamaan idaacada Radio Hargaysa ay tahay markii ugu horaysay ee idaacad nooceeda ah laga hirgaliyo Dalka .
Idaacadan ayaa dhagaystayaasha Radio Hargaysa kaga faaiidaysan doonaan culuunta diinta, iyada oo hirgalinteedu ku soo beegantay bisha barakaysan ee ramadaan.
Hargaysa SDN.
Qurbejoog.com
