Badhan (QJ) – Beelaha Dhulbahante iyo Warsangeli oo shir uga socday magaalada Badhan ee gobolka Sanaag ayaa war-murtiyeed ay ku midaysan yihiin ka soo saaray colaadda degmada Erigavo.
War-murtiyeedka shirka ayaa lagu sheegay in labada beelood ay go’aansadeen inay gacanta ku dhigaan magaalada Ceerigaabo. “Laga bilaabo maanta, labada beelood waxay si wada jir ah u ballan qaadeen inay difaaci doonaan oo ay dib u soo celinayaan degmada Ceerigaabo,” ayaa lagu yidhi war-saxaafadeedka.
Sidoo kale, shirku wuxuu go’aamiyay in la magacaabo guddi ka kooban 21 xubnood oo u xilsaaran fulinta go’aannada shirka. Waxa kale oo ay ku heshiiyeen in magaca “Harti” loo adeegsado mucaaradnimada Somaliland oo 30-kii sano ee u dambeeyay ka talinaysay Ceerigaabo.
Gabagabadii shirka ayaa mahad balaaran loo jeediyay madax dhaqameedka ugu sareeya beelaha Harti, cuqaasha labada beelood ee soo qaban qaabiyay shirka iyo madaxweyne ku xigeenkii hore ee Puntland Axmed Karash oo ka qeyb galay shirka.
