Madaxweynaha Jamhuuriyada Somaliland oo Magacaabay Agaasimaha Guud ee Wasaaradda Madaxtooyadda, Ergay Somaliland u qaabilsan Qaramada Midoobay iyo Mas’uuliyiin ka Tirsan Laamaha Xukuumada

Hargaysa 22. February 2018 (SDN/QJ):-Madaxweynaha Jamhuuriyadda Somaliland, Mudane Muuse Biixi Cabdi, waxa uu maanta wareegto madaxweyne ku magacaabay sagaal masuul. Waxaanay u dhignayd Wareegtada Madaxweynuhu sidan:-

Wareegto Madaxweyne

Magacaabid

Markuu Arkay:                Dastuurka Jamhuuriyadda Somaliland, Qodobka 90aad, Faqradiisa 3aad;

Markuu Arkay:                Aqoontooda, Kartidooda iyo Waaya-aragnimadooda;

Markuu ku Qancay:            In ay Hanan Karaan Masuuliyadda ka Dhalanaysa Xilalkan;

Markuu Sameeyey:           La-tashi Ballaadhan;

 

Waxaan Go’aamiyey:

 

In laga bilaabo taariikhda maanta uu xilalkan u magacaabo masuuliyiinta magacyadoodu hoos ku xusan yihiin:

 

Tir	Magaca	Xilka
1.	Cismaan Sheekh Cabdi Sheekh Maxamed Kaahin	Maareeyaha Hay’adda Waddooyinka
2.	Mustafe Faarax Cali Aadan	Maareeye Ku-xigeenka Hay’adda Waddooyinka
3.	Muuse Xasan Xaaji Yuusuf	Guddoomiyaha Hay’adda Dhawrista Tayada
4.	Khadra Xaaji Ismaaciil Yoonis (Khadra Xaaji Gaydh)	Guddoomiye Ku-xigeenka Hay’adda Dhawrista Tayada
5.	Maxamed Cali Bille Guuleed	Agaasimaha Guud ee Madaxtooyada
6.	Axmed Xasan Cigaal Sahal	Safiirka Somaliland u Fadhiya Itoobiya
7.	Maxamed Warsame Ducaale	Ergayga Gaarka ah ee u Qaabilsan Somaliland Qaramada Midoobay
8.	Maxamed Cabdikariin Cumar Ismaaciil (Maarshaal)	Safiir Ku-xigeenka Somaliland u Fadhiya Itoobiya
9.	Ayaanle Salaad Diiriye	Safiir Ku-xigeenka Somaliland u Fadhiya Dalka Kiiniya

 

Madaxweynuhu Wuxuu Masuuliyiinta xilka wareejinaya uga Mahadceliyey sidii xil-kasnimada lahayd ee ay u guteen waajibaadkoodii Qaran, muddadii ay xilka hayeen.

 

 

ALLAA MAHAD LEH

Muuse Biixi Cabdi

Madaxweynaha Jamhuuriyadda Somaliland