Mareykanka oo u hanjabay Muuse Biixi
Washington March 31, 2023 (QJ) – Waaxda arrimaha dibadda ee Mareykanka ayaa walaac ka muujisay dagaalka ka socda magaalada Laascaanood, waxayna ku baaqday in la joojiyo rabshadaha sababay dhimashada dad rayid ah iyo xadgudubyo ka dhan ah xuquuqda aadanaha.
“Maraykanku waxa uu si isa soo taraysa uga walaacsan yahay rabshadaha sii socda ee Lascanood, waxaanay ku biiraan saaxiibada kale ee caalamiga ah iyo kuwa deriska ah ee ku baaqaya in xiisadda la dejiyo, u hoggaansanaanta xabbad-joojinta lagu heshiiyey, gargaar bani’aadminimo oo aan carqaladayn, iyo dib u bilaabista wada-hadal wax ku ool ah oo lagu xallinayo nabadeed. suurtagalnimada kooxaha xagjirka ah in ay abuuraan xasillooni darro ballaaran oo ay uga sii daraan dhibaatooyinka bini’aadanimo ee socda.” ayaa lagu yiri bayaanka.
Sidoo kale, Maraykanka ayaa ugu baaqay Somaliland inay ciidamadeeda kala baxdo Laascaanood, si looga hortago inay sii huraan colaadda iyo soo celinta nabadda gobolka.
“Waxaan ugu baaqaynaa Somaliland inay dib ula laabato ciidamadeeda ammaanka si ay u muujiso sida ay uga go’an tahay mabaadi’daasi, waxaan ugu baaqaynaa maleeshiyaadka ku sugan Laascaanood inay ka waantoobaan weerar kasta oo ka dhan ah ciidamada Somaliland, waxaan taageersanahay in dowladda Federaalka Soomaaliya ay si wax ku ool ah ula falgasho isla markaana ay diyaariso Ergadii Isimada iyo soo dhawaynta Madaxweynaha Somaliland Biixi ee ah in uu Hargeysa kula kulmo Weftiga. Mareykanka ayaa yiri.
“Waxa kale oo aanu walaac ka muujinaynaa in doorashadda Madaxtooyadda Somaliland ay dib u dhacday ilaa November 2022-ka, taas oo ka baxsan wakhtiga ku cad dastuurka Somaliland, waxaanu maamulka Somaliland ugu baaqaynaa inay muddeeyaan wakhti cad oo ay sida ugu dhakhsaha badan u soo dhamaystiraan doorashada. wuxuu diyaar u yahay inuu isticmaalo maamullada sida ku cad qodobka 212 (a) (3) (C) ee sharciga socdaalka iyo jinsiyadda si loo xaddido bixinta fiisaha mas’uuliyiinta hadda ama kuwii hore ee Soomaaliya ama shakhsiyaadka kale ee la aaminsan yahay inay mas’uul ka yihiin, ama ku lug leeyihiin. oo wiiqaya geedi-socodkii Dimuqraadiyadda ee Soomaaliya oo ay Somaliland ku jirto”.
29-kii bishii March, Safiirka Maraykanka u fadhiya Soomaaliya, Larry André, ayaa kulan la qaatay Madaxweynaha Somaliland, Mudane Muuse Biixi Cabdi, waxaanu kula dardaarmay inuu la shaqeeyo ciidamadiisa iyo kuwa gobollada SSC si loo soo afjaro colaadda Laascaanood.
“Madaxweynaha Somaliland Biixi waxa uu awood u leeyahay in uu kala fogeeyo ciidamada Laascaanood ku sugan, kuna dhawaaqo khariidad doorasho mustaqbalka, wada hadal aan toos ahayn oo galabta dhex maray isaga, waxaan ku dhiirigaliyay inuu labadaba sameeyo, Ambassador André” ayuu Twitter-ka ku soo qoray safiirka Maraykanka.
Dagaalka xooggan ee u dhaxeeya ciidamada Somaliland iyo kuwa SSC oo tan iyo bishii December ka socday magaalada Laascaanood ayaa waxa ku barokacay 180 kun oo ruux ,halka boqolaa kalena ay ku dhaawacmeed qaarna ku dhinteen.