WAA GABAY BAROOR DIIQ IYO TALABA AH OO KU SAABSAN GEERIDII ALLE HA U NAXARIISTEE TALIYE CABDIRISAAQ YUUSUF ( CASAYR )
Inkastoonu ruux garab marayn goortu dhimanaayo
Qadarkuna go,aan yahay ka yimi samada guudkeeda
Geerida caseyr waxay ahayd guul dariyo ceebe
Waakaa go,yoo kugu go,aan geesna kaa marine
Maangaabka gobolkii kastaba jooga gudihiisa
Marxuumkan iyo geesh horaba way naga galaafteene
dalka gibil ka daahduu ahaa gaydha dhaxamaaye
gurmadbuu dalka uhaanjiriyo gaadh nafta u huraye
Gar,soorbuu dalka u haanjiriyo xaanin gaad adage
Geesibuu dalka u haa amniga heeganka u gala’e
Allaw guri firdowsiyo jannada gali adoonkaaga
Gaashaanna naarta uga yeel guul,daradu taalo
Gaar ahaan xigaalkiisi iyo guud ahaan shacabka
Allow samirka laabtooda gali geesigii hoyaye
Afartaa baroor diiq godkeed gow makaga siiyey
Afar kala waan gocanayaa gabaygu waa hiile
Gafkii noogu dhacay hore mid kale waliba guudsaara
Oo guurtidii baajin leyd balada how guuxdo
Waa waxaan garaadkii fayow ruuxna galahayne
Mar hadaan gadaal loo arkeyn geesi naga hoydey
Falkan dhacay cidii gaysataa goobid loo yahaye
Ina gacan ku dhiiglihii ladilo waa gar xaajadu
Goor,ay ahaataba marbay guuto soo qabane
Guud ahaan ammaankeena iyo guushan lagu faano
Walaalaha gobtee saaxil iyo yaala gudaheeda
Een kala tagayn gees hadey dunidu guureyso
Yaan colaada laysugu guntine nolol haloo goobo
Oo ruuxba wuxu gaysan karo yaanu gabin maanta
Oo guurtiyey kaca fadhigu waa garaad xumo’e
Oo halagu guntado nabadu waa gogol nasteexaade
WAXA CURIYAY CABDIRAXMAAN XIIRAY