Xukuumadda Soomaaliya Oo Sheegtay in ay Xarumo Caafimaad ka fureyso gobolada dalka

Wasiirka adeega Bulshada Xukuumadda Soomaaliya Maryan Qaasim ayaa sheegtay in hada qorshaha socda uu yahay sidii bulsho badan oo Soomaaliyeed ay ku heli lahaayeen adeegyo caafimaad oo bilaash ah.Wasiirka adeega Bulshada ayaa sheegtay in iminka ay udireen qaar kamid ah Gobalada dalka wafdi ka socda Wasaarada adeega Bulshada oo kormeer kusoo sameynaya baahiyaha caafimaad ee ka jira Gobalada dalka Soomaaliya.

Wafdiga ka socda Wasaarada adeega Bulshada ayaa gaaray Gobalka Galgaduud halkaasi oo ay ka wadaan ukuurgalka dhanka caafimaadka iyo baahiyaha arimaha Bulshada hoos yimaada.

Maryan Qaasim Wasiirka adeega Bulshada Xukuumadda Soomaaliya ayaa sheegtay in ujeedka guud uu yahay sidii qof waliba oo muwaadin Soomaaliyeed ah uu ku heli lahaa adeeg caafimaad oo deegaankaasi uu ku helo taasina la gaari doono.

Inta badan Bulshada Soomaaliyeed ayaan helin adeeg caafimaad oo dhameestiran maadaama dalka muddo uu dhibaato kusoo jiray iminkana laga baxay,balse adeegyada caafimadka aan weli waxba laga qaban.