Hargaysa 04.May 2014 (SDN)- Madaxweynaha JSL Md Axmed Maxamed maxamed maxamuud siilaanyo ayaa maanta si balaadhan loogu soo dhoweeyey magaalada tog-wajaale halkaas oo si weyn loogu soo dhoweeyey.
Madaxweynaha oo ay socdaalkiisa ku wehelinayaan mas’uuliyiin ka tirsan dawladda Somaliland ayaa markii uu magaaladaasi gaadhay waxa uu Xadhiga ka jaray wadada laamida ah ee isku xidha degmooyinka Wajaale iyo kalabaydh oo dhismaheeda si guul leh ku soo gebageboobay.
Madaxweynaha oo la hadlayey dadweynaha Degmada Togwajaale ee Gobolka Gabiley ayaa sheegay inay ka dhabaynayaan ballanqaadadii xukuumadiisa, wadadan laamida ah ee togwajaale-na ay ka mid tahay mid bilow u ah horumar ay ku talaabsan doonto magaalada togwajaale oo muhiim u ah dakhli soo saarka wadankan JSL
Dhankoodana ururada Bulshada ee Gobolkaasi ayaa madaxweynaha gudoonsiiyey shahaado sharaf uu ku muttaystay dadaalka uu ugu jiro in haweenka Somaliland ay kuraas kootto ah ka helaan golayaasha dawladda dhexe iyo kuwa heer deegaan.
Wasiirka wasaaradda Madaxtooyada oo ay hoos timaaddo hay’adda waddooyinka Qaranku oo isna halkaasi ka hadlay waxa uu sheegay in xukuumadda Somaliland ay xilligan gacanta ku hayso dhismaha 38 waddo oo laami ah oo laga hirgelinayo Gobolada iyo degmooyinka Somaliland.
Hargaysa SDN/QJ.
contact@qurbejoog.com
contact@somalidiasporanews.com
