Yemen iyo WFP oo heshiis Ku gaaray Kaalmeynta qaxootiga dalkeeda ku nool

Hay’ada ayaa sheegtay in dadka quudinta u baahan ay gaarayaan shan Million oo qof,islamarkaana isugu jira haween Caruur iyo dad da’ ah kuwaasi oo ay ka muuqato daruufooyin kala duwan.Heshiiskaan ay wada gaareen dowlada Yemen iyo hay’ada (WFP),ayaa waxaa maalgilinaya beesha caalamka,iyadoo Shacabka dhibaateysan wadamo kala duwan ay ka soo kala jeedaan,kuwaasi oo wadamadooda kaga soo cararay dhibaato dhaqaalo daro iyo mid colaadeed.

Lubna Alaman oo ah agaasimaha hay’ada Cunada aduunka ee dalka Yemen,ayaa sheegay in xaalada Qaxootiga Yemen ay qatar ku jiraan,balse uu tilmaamay in inta karaankooda ah ay dadaali doonaan,isagoona hoosta ka xariiqay inay siiwadi doonaan cunaqeybintooda inta baahida ay dabaalayaan.

Wuxuu shaaca ka qaaday Lubna Alaman,inay yareyn doonaan Macluusha haysata carruurta iyo hooyooyinka,sidoo kale wuxuu cadeeyay inay sare u qaadi doonaan qeybinta cuntooyinka,si ay ula dagaalamaan dhibaatooyinka Qaxootiga Soomaaliyeed soo wajahay iyo kuwa kaleba.

Mas’uulkaan ayaa carabaabay in maal gelin ay ka heleen wadamada Deeq bixiyaasha oo kala ah Japan, Mareykanka , Canada, Midowga Yurub, Finland.iyo Germalka.

Dalka Yemen ayaa waxaa ku dhaqan Soomaali badan oo qaxooti ahaan u tahay dalkaasi,kuwaasi oo dalkooda kaga tagay dhibaatooyin ay sheegeen inay ku noolaa waayeen.

Dhibaatada Soomaalida ku haysata ayaa la sheegaya inay sii baaheyso,iyagoo halku dhigooda uu Noqday yaa Mar qura wadankiina hooyo nagu celiyo ku celiya.

SDN-Aden