Qahira April 10,2012(SDN)-Dhuumaha Gaaska u kala qaada dalka Masar,Israa’iil iyo Urdun ee marta woqooyiga Siinay ayaa markii afar iyo tobnaad la qarxiyey tan iyo markii kacdoonka shacbi talada lagaga qaaday madaxweynihii hore ee dalka Masar Xusni mubaarik, iyada oo qaraxan aan la aqoonsan ilaa hadda cid gaysatay.
Wararku waxa ay sheegayaan in qaraxan I uu ka dhacay woqooyiga siinay jiida laga galo magaalada al-cariish.waxaanay dadka magaaladu u sheegeen wakaaladda wararka ee Routers in ay maqlayeen dayaanka qaraxaasi lala beegsaday dhuuntaasi gaaska qaada dalka masar gaysana dalalka israa’iil iyo Urdun.
Qarxinta dhuuntan gaaska qaada ee marta woqooyiga jasiirad la mooda siinay ilaa hadda ma jirto koox sheegatay in ay iyagu ka danbeeyeen qarxinta dhuuntaasi. Sida la og-yahayna waxa dhuuntan la xidhay bishii march ee la soo dhaafay, iyada oo dhuuntani ay noqotay mid lala bariinsaday qarxintaasi.
Dhinaca kalena heshiiska Gaasta israa’iil u gudbiso israa’iil oo labada dhinac ay kala saxeexdeen waqtigii dalkaasi uu ka talinayey Madaxweynihii hore ee la riday xusni mubaarik, ayaa heshiiskaasi waxa uu yahay mid aan shacbiyad badan oo ku qanacsan ku lahayn dalka Masar, iyada oo ay shacabka reer masar rumaysan yihiin in aan Qiime haboon aanay israa’iil ku qaadan Gaasta masar u gudbiso.
Masuul ka tirsan wakaaladda Gaaska ee Dalka Masar ee iyadu dhuuntaasi maamusha ayaawaxa uu sheegay in qaraxyada dhuuntaasi lala beegsaday ay dalka masar u soo jiiday inuu ku yimaado khasaare gaadhaya hal bilyan oo Gini una dhigma boqol iyo lix iyo lixdan malyuun oo dollar.
SDN-Qahira
