Bakool , 17, march 2014 (SDN) — Wafdi wasiirro iyo xildhibaanno isugu jira, ayaa maanta safarkoodii ugu horeeyay tan iyo markii halkaa lagala wareegay Xoogaga al Shabaab,ku tagay degmada Xudur ee xarunta gobolka Bakool oo ka mid ah degmooyinkii ay dhawaan ciidamada dowladda Soomaaliya iyo kuwa AMISOM kala wareegeen Kooxdaasi.
Xubnaha wafdigan ayaa sida wararku sheegayaan waxay ka koobnaayeen: wasiirka arrimaha gudaha iyo federaalka, C/llaahi Goodax Barre, wasiirka gaashaandhigga, Maxamed Sh. Xasan Xaamud iyo xildhibaanno ka tirsan baarlamaanka Somalia oo dhalasho ahaan goboolkaas ka soo jeeda.
Guddoomiyaha degmada Xudur Maxamed Macallin, ayaa u sheegay warfidiyeenka in wafdigan ay ku yimaadeen Xudur kormeer, balse aysan jirin wax gargaar ah oo ay wadaan, isagoo intaas ku daray in socdaalkani uu ka mid yahay kormeerro lagu sameynayo goobihii Al-shabaab laga lagala wareegay.
Waxaana hadaladii gudoomiyaha Degmadda Xudur ka mid ahaa:
“Wafdigan socdaalkoodu waa mid kormeer ah, balse ma jirto wax gargaar ah oo ay u wadaan dadka deegaanka, waxaana filaynaa in kormeerkooda kadib wixii loogu talo-galay shacabka degmada la keeni doono”.
Si kastaba ha ahaatee waxa wararka ka imanaya Goobihii lagala wareegay Kooxda Al-Shabaab ee ka dagaalnta Badhtamaha iyo Koonfurta Somalia,ayaa la sheegayaa in dadkii ka barakacay Deegaanadoodii ay haystaan Duruufo Bini’aadamnimo.
Bakool,SDN.
Contact@somalidiasporanews.com
