Hargaysa 03.Dec 2013 (SDN)- Madaxweynaha Jsl. Md. Axmed Maxamed Maxamuud ayaa maanta ka qaybgalay munaasabad balaadhan oo dalada ururada Naafada ee somaliland kaga qayb qaadanayaan xuska maalinta naafada aduunka oo lagu qabtay magaalada Hargaysa , taas oo ay ka qaybgaleen xubno ka tirsan Golaha wasiirada ,xildhibaano, madaxda ururada naafada , hay’daha la shaqeeya iyo martisharaf kale.
Gudoomiyaha Dalada ay ku midoobeen ururada naafada ee somaliland Md.Mukhtaar Cismaan muxumed ayaa sheegay in daladan oo la aasaasay sanadkii 2004tii. Waxaana uu tilmaamay in dadka naafada ahi yihiin dad waxqabsan kara balse u baahan in bulshadoodu gacan siiso , waxaana uu soo jeediyay in wax lagala qabto baahiyaha gaarka ah ee dadka naafada ahi leeyihiin. Gudoomiyaha dalada ururada Naafada ee somaliland waxa uu ku amaanay xukuumada dadaalkeeda ku wajahan wax la qabashada dadka Naafada ah isaga oo xusay in madaxweynuhu xafiiskiisa ku nqaabilay xubno ururadooda ka socday isagoo dhinaca kalana Madaxweynaha uga mahad naqay mootooyinka dadka naafada ah oo uu ugu deeqay isla markaana ay wasaarada shaqada iyo arimuhu bulshadu u magacawday agaasime u gaar ah arimaha Naafada. .
Gudoomiyaha dalada ururada naafada Md.. Mukhtaar waxa uu u jeediyay xukuumada in ay dajiso i siyaasad cad oo la xidhiidha wada shaqaynta ay la leeyihiin dalada.
Wasiirka wasaarada shaqada iyo Arimaha bulshada md. Maxamuud axmed Bare garaad oo isna munaasabadsa maalinta naafada aduunka ka hadlay ayaa sheegay in dastuurka dalku damaanad qaadayo sinaanta xuquuqda muwaadiniinta kaas oo ka tarjumaya wax ka qabashada duruufaha gaarka ah ee dadka naafada ioyo daryeelkooda . wasiirku waxa uu soo jeediya in la sameeyo kooto muwaadiniinta naafada ahi kaga qaybgali karaan siyaasada dalka. Wasiirka wasaarada madaxtooyada ayaa isna munaasabadaas ayaa sheegay in Naafada dalku yihiin qaybta ugu nugul bulshada isla amrkaana uu madaxweynahu ka jawaabay dalabkoodii dhinaca qalabka baahiyahooda ee soo gaadhay.
Madaxweynaha j s l mudane axmed maxamed maxamuud [ siilaanyo] oo gabagabdii munaasibadaasi ka hadlay ayaa sheegay in xukuumad ahaan xil ka saaran yahay naafada dalka , ka warqabkooda iyo daryeelkoodaba waxaanu madaxweynuhu sheegay in xuska maalinta naafdu uu yahay mid mudan in la qiimeeyo doorka ay bulshada ku leeyihiin.
Madaweynuhu waxa uu sheegay in xukuumad ahaan wixii itaalkooda ah aanay waxba kala hadhayn wax u qabashada dadka naafada ah .
Gabagabadii waxa madaxweynuhu xaflada ku gudoonsiiyay xubno ka mida naafda dalka gaadiidka mootooyinka ah ee ay ku socdaan dadka naafada ahi.
Hargaysa SDN.
Qurbejoog.com
